Latviyada yeni prezident seçildi
Latviya parlamenti – Seym mayın 29-da ölkənin yeni prezidentini seçib. Novator.az-ın məlumatına görə, hakim koalisiyanın namizədi, Avropa İttifaqı Məhkəməsinin hakimi Eqils Levits 100 nəfərlik parlamentdə 61 səs toplayaraq müxalif namizəd, ombudsman Yuris Yansonsu və deputat Didzis Şmitsi qabaqlayıb.
Eqils Levits 1955-ci ildə paytaxt Riqada doğulub. Ölkəsində ədliyyə naziri postunu tutub, Latviyanı bir neçə Avropa ölkəsində səfir kimi təmsil edib, Avropa İnsan Hüquqları Məhkəməsinin hakimi olub.
2015-ci ildən Latviyaya 1966-cı il təvəllüdlü Raymonds Veyonis prezidentlik edir.
