Məzənnə dəyişmələri
Mərkəzi Bank mayın 27-də valyutaların çoxunu bahalaşdırıb. Novator.az-ın məlumatına görə, məzənnələri yüksələn avro banklara 1,9052, Çin yuanı 0,2466, İngiltərə funt sterlinqi 2,1644, Rusiya rublu 0,0264, Türkiyə lirəsi 0,2794 manata təklif olunur.
Gürcüstan larisinin rəsmi kursu 0,6115 manata düşüb, ABŞ dolları isə 1,7 manat həddində qalıb (Tam siyahı).
Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu Mərkəzi Bankın manatı qorumaq üçün yanvar-aprel aylarında keçirdiyi valyuta hərraclarında 1 milyard 975,3 milyon ABŞ dolları məbləğində vəsait sərf edib. Yanvarda fonddan 634,9 milyon dollar, fevralda 316,2 milyon dollar, martda 600,5 milyon dollar, apreldə 423,7 milyon dollar alınıb.
