Litvada yeni prezident
Litvada prezident seçkisinin – ikinci turun nəticələri açıqlanıb. Novator.az-ın məlumatına görə, mayın 26-da keçirilmiş səsvermədən iqtisadçı Gitanas Nauseda qalib çıxıb – 65,9%. Parlamentin deputatı İnqrida Şimonitenin 32,8% səs yığdığı bildirilir.
Gitanas Nauseda 1964-cü ildə Klaypeda şəhərində doğulub. Vilnüs Universitetinin iqtisadiyyat fakültəsini bitirib. Uzun illər maliyyə və bank sahələrində çalışıb, Mərkəzi Bankın İdarə Heyətinin üzvü olub, Vilnüs Universitetində və Vilnüs Biznes Məktəbində dərs deyib.
2004-2009-cu illərdə ölkə prezidenti Valdas Adamkusa müşavirlik edib.
İngilis, alman və rus dillərini bilir.
Evlidir, iki qızı var.
2009-cu ildən Litva prezidenti postunu 1956-cı il təvəllüdlü Dalya Qribauskayte tutur. O, ilk dəfə 2009-cu ilin ümumxalq seçkisində prezident seçilib, 2014-cü ilin seçkisində postunu əlində saxlayıb.
