Bakıya qədər: Avropa Liqasının neçə qalibi var?
Mayın 29-u Bakı Olimpiya Stadionunda UEFA Avropa Liqasının final oyununda İngiltərə paytaxtı Londonun “Çelsi” və “Arsenal” komandaları üz-üzə gəlir. Novator.az bildirir ki, 1971-ci ildən keçirilən, 2008-ci ilədək UEFA kuboku adlanmış Avropa Liqasında “Çelsi”nin 1 titulu var. Komanda 2013-cü ildə turnirin qalibi olub.
“Arsenal” ikinci dəfədir finala çıxır. 2000-ci ildəki ilk final uğursuz olub, ingilislər Türkiyə təmsilçisi “Qalatasaray”a uduzublar.
İndiyəcən Avropa Liqasında 28 klub zəfər yaşayıb. Rekord “Sevilya”ya məxsusdur: klub 5 dəfə turniri zirvədə tamamlayıb.
“Liverpul”, “Yuventus”, “İnter” (İtaliya), “Atletiko” 3 dəfə, “Tottenhem”, “Feyenoord”, “Borussiya” (Mönhenqladbah), “Höteborq”, “Real” (Madrid), “Parma”, “Portu” 2 dəfə qalib olublar.
“Çelsi” və “Qalatasaray”la yanaşı “Anderlext”, “Ayaks”, PSV, “Ayntraxt” (Frankfurt), “İpsviç”, “Bayer”, “Napoli”, “Bavariya”, “Şalke”, “Valensiya”, SSKA (Moskva), “Zenit”, “Şaxtyor” (Ukrayna), “Mançester Yunayted” 1 uğur əldə ediblər.
