Avropa Parlamentinə seçkinin ilkin nəticələri
Avropa İttifaqının qanunverici orqanına seçkinin ilkin nəticələri bəlli olub.
1957-ci ildə yaradılmış Avropa İttifaqının 28 üzvü var: Almaniya, Avstriya, Belçika, Bolqarıstan, Böyük Britaniya, Çexiya, Danimarka, Estoniya, Finlandiya, Fransa, Xorvatiya, İrlandiya, İspaniya, İsveç, İtaliya, Kipr, Latviya, Litva, Lüksemburq, Macarıstan, Malta, Niderland, Polşa, Portuqaliya, Rumıniya, Slovakiya, Sloveniya, Yunanıstan.
Böyük Britaniya qurumdan çıxmaq üzrədir.
Birliyin qanunverici orqanına – 751 nəfərlik Avropa Parlamentinə seçki 23-26 may arasında keçirilib.
Novator.az bildirir ki, ilkin hesabata görə, sağ mərkəzçi Avropa Xalq Partiyası 179 mandata sahib çıxıb.
Sosialistləri və demokratları birləşdirən Tərəqqipərvər Alyans 150, Liberalların və Demokratların Avropa Alyansı 107 mandat götürüb.
Yaşılların 70, mühafizəkarların və islahatçıların 58, millətçilərin 58, sağ mühafizəkarların 56, solçuların 38, müstəqillərin 35 mandat əldə etdiyi bildirilir.
