Yüksəlmə, eniş, sabitlik
Mayın 24-də avronun rəsmi kursu yenidən 1 manat 90 qəpiyi keçib. Mərkəzi Bank bu valyutanı 1,9008 manata təklif edir.
Türkiyə lirəsi də bahalaşıb: 0,2779 manat.
Rusiya rublunun məzənnəsində düşmə qeydə alınıb (0,0262 manat), ABŞ dolları 1,7, Gürcüstan larisi 0,6128 manat həddində saxlanıb.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb. Dolların indiki qiyməti isə 2018-ci il martın 7-dən qüvvədədir.
Novator.az bildirir ki, avro bu il aprelin 25-dən 29-dək, mayın 3-də və mayın 20-dən başlayaraq 1 manat 90 qəpikdən ucuz satılıb.
Dövlət Neft Fondu Mərkəzi Bankın manatı qorumaq üçün yanvar-aprel aylarında keçirdiyi valyuta hərraclarında 1 milyard 975,3 milyon ABŞ dolları məbləğində vəsait sərf edib. Yanvarda fonddan 634,9 milyon dollar, fevralda 316,2 milyon dollar, martda 600,5 milyon dollar, apreldə 423,7 milyon dollar alınıb.
