Sərmayə incəlikləri
2019-cu ilin yanvar-aprel aylarında Azərbaycanın iqtisadi və sosial sahələrinin inkişafı üçün əsas kapitala 3 milyard 916 milyon manat vəsait yönəldilib. Novator.az-ın məlumatına görə, Dövlət Statistika Komitəsi bildirir ki, ümumi sərmayənin 64,5 faizi məhsul istehsalı obyektlərinin, 26,5 faizi xidmət sahələri üzrə obyektlərin, 9 faizi yaşayış evlərinin tikintisinin payına düşüb.
Əsas kapitala yönəldilmiş sərmayədə müəssisə və təşkilatların vəsaitləri 2 milyard 375,6 milyon manat, bank kreditləri 227,8 milyon manat, büdcə vəsaitləri 1 milyard 1,4 milyon manat, büdcədənkənar fondların vəsaitləri 47,3 milyon manat, əhalinin şəxsi vəsaitləri 250,5 milyon manat, sair vəsaitlər 13,4 milyon manat göstərilir.
Xarici müəssisə və təşkilatlar 1 milyard 196,8 milyon manat sərmayə qoyub. Həmin vəsaitin 82,5 faizi Böyük Britaniya, Türkiyə, ABŞ, İsveçrə, Yaponiya, Malayziya, Rusiya və İran sərmayədarlarına məxsus olub.
