Avropa Liqası: “Neftçi” və “Səbail”in mümkün rəqibləri
2019-2020-ci illər mövsümündə Azərbaycanı UEFA-nın Avropa Liqasında üç komanda – “Qəbələ”, “Neftçi” və “Səbail” təmsil edəcək.
Avropa Liqasında ilkin təsnifat raundu 27 iyun-4 iyul arasına, birinci mərhələ 11-18 iyul arasına, ikinci mərhələ 25 iyul-1 avqust arasına, üçüncü mərhələ 8-15 avqust arasına, dördüncü mərhələ 22-29 avqust arasına təyin olunub.
Qrup raundunun sentyabrın 19-dan dekabrın 12-dək davam etməsi nəzərdə tutulur.
Novator.az bildirir ki, “Neftçi” və “Səbail” mübarizəyə birinci mərhələdən başlayır. Onların potensial rəqibləri arasında Estoniyanın “Levadiya”, “Flora”, “Trans”, Slovakiyanın “Dunayska Streda”, “Rujomberok”, Farer adalarının “B36 Torshavn”, Gürcüstanın “Çixura”, “Torpedo”, Macarıstanın “Debretsen”, “Honved”, Moldovanın “Milsami”, “Petrokub”, Latviyanın “Liepaya”, RFS, Maltanın “Hibernians”, “Balzan”, “Qzira Yunated”, İslandiyanın “Reykyavik”, “Breydablik”, İrlandiyanın “Şemrok Rovers”, “Sent-Patriks Atletik”, Bosniyanın “Şiroki Briyeq”, Uelsin “Konnah Kuey”, Finlandiyanın “İnter”, RoPS, KuPS, Litvanın “Stumbras” klubları var.
“Qəbələ” turnirə ikinci mərhələdən qoşulacaq.
