Məzənnələr necə yenilənib?
Mərkəzi Bank mayın 21-də avronu (1,8970 manat), Rusiya rublunu (0,0264 manat) və Türkiyə lirəsini (0,2815 manat) bahalaşdırıb.
ABŞ dollarının rəsmi kursu 1,7 manat həddində saxlanıb, dəyər itirən Gürcüstan larisi isə banklara 0,6169 manata təklif edilir (Məzənnələr).
Novator.az-ın məlumatına görə, dolların indiki qiyməti 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Aprelin 25-də avro il ərzində ilk dəfə 1 manat 90 qəpikdən ucuz – 1,8968 manata satılıb. Həmin ayın 26-da avroya 1,8931 manat, 29-da 1,8966 manat qiymət qoyulub. Mayın 3-də avro 1,8986 manata, mayın 20-də 1,8962 manata satılıb.
Dövlət Neft Fondu Mərkəzi Bankın manatı qorumaq üçün yanvar-aprel aylarında keçirdiyi valyuta hərraclarında 1 milyard 975,3 milyon ABŞ dolları məbləğində vəsait satıb. Yanvarda fonddan 634,9 milyon dollar, fevralda 316,2 milyon dollar, martda 600,5 milyon dollar, apreldə 423,7 milyon dollar alınıb.
