Azərbaycan nefti 75 dollardan bahadır
Dünya birjalarında neft bahalaşır. AZƏRTAC-ın 21 may məlumatına görə, London birjasında brent markalı neftin bir barreli 72,25 dollara, Nyu-York birjasında layt markalı neftin bir barreli 63,41 dollara yüksəlib.
44 sent ucuzlaşan Azərbaycan nefti “AzəriLayt”ın bir barreli 75,53 dollara satılır.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55 dollarla start verib.
Novator.az bildirir ki, Energetika Nazirliyi Azərbaycanın gündəlik hasilatını yanvarda 793 min barrel, fevralda 806 min barrel, martda 798 min barrel, apreldə 683 min barrel göstərib. Dörd ayın orta gündəlik hasilatı 770 min barrel olub.
