Aqrar Xidmətlər Agentliyinin əsasnaməsi təsdiqləndi
Mayın 21-də prezident İlham Əliyev Kənd Təsərrüfatı Nazirliyi yanında Aqrar Xidmətlər Agentliyinin əsasnaməsini təsdiq edib.
Aqrar Xidmətlər Agentliyi yanvarın 14-də Dövlət Fitosanitar Xidmətinin, Dövlət Baytarlıq Xidmətinin, Bitki Sortlarının Qeydiyyatı və Toxum Nəzarəti üzrə Dövlət Xidmətinin və Baş Dövlət Texniki Nəzarət Xidmətinin əsasında yaradılıb.
Novator.az bildirir ki, əsasnaməyə görə, Aqrar Xidmətlər Agentliyi ölkədə heyvan və bitki sağlamlığı, seleksiya nailiyyətləri (bitki sortları), toxumçuluq, siyahısını Nazirlər Kabinetinin müəyyən etdiyi nəqliyyat vasitələri və digər kənd təsərrüfatı texnikası ilə bağlı dövlət xidmətlərinin təşkilini, habelə seleksiya nailiyyətləri (bitki sortları), toxumçuluq və kənd təsərrüfatı texnikası sahələrində dövlət nəzarətini həyata keçirən qurumdur.
Agentliyin fəaliyyətinə kənd təsərrüfatı nazirinin vəzifəyə təyin etdiyi sədr rəhbərlik edir. Sədrin üç müavini var. Onların da təyinatı kənd təsərrüfatı nazirinin səlahiyyətindədir.
