Azərbaycan “Avroviziya” finalında
“Avroviziya 2019” mahnı müsabiqəsindəki Azərbaycan təmsilçisi Çingiz Mustafayev finala adlayıb (Mahnı).
Müğənni İsrailin Tel-Əviv şəhərində keçirilən müsabiqənin ikinci yarımfinalında mübarizə aparıb. Mayın 16-da onunla bərabər bu ölkələrin təmsilçiləri finalda yarışmaq hüququ əldə ediblər:
Şimali Makedoniya – Tamara Todevska
Niderland – Dunkan Laurens
Albaniya – Yonida Maliçi
İsveç – Con Lundvik
Rusiya – Sergey Lazarev
Danimarka – Leonora Kolmor Yepsen
Norveç – “Keiino” qrupu
İsveçrə – Luka Henni
Malta – Mikela Paçe.
Ermənistandan Srbui Sərkisyan, İrlandiyadan Sara Makternan, Moldovadan Anna Odobesku, Latviyadan “Karusel” qrupu, Rumıniyadan Ester Peoni, Avstriyadan Qabriela Horn, Xorvatiyadan Roko Blajeviç, Litvadan Yuri Veklenko ələniblər.
Mayın 14-də keçirilmiş birinci yarımfinalda 10 ölkənin təmsilçiləri uğur qazanıb:
Yunanıstan – Katerina Duska
Belarus – Zinaida Kupriyanoviç
Serbiya – Nevena Bojoviç
Kipr – Tamta Qoduadze
Estoniya – Viktor Kron
Çexiya – “Lake Malavi” qrupu
Avstraliya – Keyt Miller-Haydki
İslandiya – “Hatari” qrupu
San Marino – Sərhad Hacıpaşalıoğlu
Sloveniya – Zala Kral və Qaşper Şantl.
Mayın 18-nə təyin olunmuş finala bu ifaçılar birbaşa vəsiqə alıb:
Almaniya – “Sisters” qrupu
Böyük Britaniya – Maykl Rays
Fransa – Bilal Həsəni
İspaniya – Migel Nunyes Poso
İsrail – Kobi Marimi
İtaliya – Alessandro Mahmud.
Novator.az bildirir ki, 1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir.
Azərbaycan “Avroviziya”ya 2008-ci ildən qatılır. İlk on iştirakda Azərbaycan finalda təmsil olunub. 2008-ci ildə Elnur Hüseynov və Samir Cavadzadə 8-ci, 2009-cu ildə Aysel Teymurzadə və Araş 3-cü, 2010-cu ildə Səfurə Əlizadə 5-ci, 2011-ci ildə Nigar Camal və Eldar Qasımov 1-ci, 2012-ci ildə Səbinə Babayeva 4-cü, 2013-cü ildə Fərid Məmmədov 2-ci, 2014-cü ildə Dilarə Kazımova 22-ci, 2015-ci ildə Elnur Hüseynov 12-ci, 2016-cı ildə Səmra Rəhimli 17-ci, 2017-ci ildə Diana Hacıyeva 14-cü yeri tutub.
“Avroviziya 2018”dəki təmsilçi Aysel Məmmədova yarımfinalda ələnib.
