Ukrayna parlamenti yeni seçilmiş prezident Vladimir Zelenskinin andiçmə gününü təyin edib. Novator.az-ın məlumatına görə, Ali Radanın qərarı Vladimir Zelenskinin mayın 20-də and içərək səlahiyyətlərinin icrasına başlamasını nəzərdə tutur. Parlamentin 16 may iclasında bu qərarı 315 deputat dəstəkləyib.
Şoumen Vladimir Zelenski prezident seçkisinin ikinci turunda 13 milyon 541 min 528 səslə (73,2%) qalib gəlib. Aprelin 21-də keçirilmiş səsvermədə prezident Pyotr Poroşenko 4 milyon 522 min 450 səs (24,4%) toplayıb.
Vladimir Zelenski 1978-ci il yanvarın 25-də Krivoy Roq şəhərində doğulub. İngilis dili təmayüllü gimnaziyada təhsil alıb, Krivoy Roq İqtisadiyyat İnstitutunu hüquqşünas diplomu ilə bitirib.
1997-ci ildə “95-ci kvartal” şən və hazırcavablar komandası yaradaraq onun kapitanı olub. 2003-cü ildən televiziyalarda müxtəlif şouların aparıcısı kimi ad çıxarıb, tamaşalarda, filmlərdə rollar alıb.
Prezident seçkisinə Vladimir Zelenski Xalq Xidmətçisi Partiyasının namizədi kimi qatılıb.
Vladimir Zelenski ölkənin yeddinci dövlət başçısıdır. Ona qədər 5 nəfər prezident seçilib, 1 nəfər isə prezident səlahiyyətlərini müvəqqəti icra edib.
1991-ci il avqustun 24-də müstəqilliyini elan edən zaman Ukraynada dövlət başçısı postunu 1934-cü il təvəllüdlü parlament sədri Leonid Kravçuk tutub.
1991-ci il dekabrın 1-də Leonid Kravçuk ümumxalq seçkisində Ukrayna prezidenti seçilib.
1994-cü ildə növbədənkənar prezident seçkisi keçirilib. İyulun 10-da – ikinci turda Leonid Kravçuk 1938-ci il təvəllüdlü Leonid Kuçmaya məğlub olub. Leonid Kuçma 1999-cu ildə prezident seçkisinin ikinci turunda (14 noyabr) postunu əlində saxlayıb.
2004-cü ilin prezident seçkisi üç mərhələdən ibarət olub. İkinci turun dekabrın 26-da keçirilmiş təkrar səsverməsində 1954-cü il təvəllüdlü Viktor Yuşşenko prezident seçilib.
2010-cu ilin prezident seçkisində – fevralın 7-də keçirilmiş ikinci turda 1950-ci il təvəllüdlü Viktor Yanukoviç dövlət başçısı seçilib.
2014-cü il fevralın 22-də Viktor Yanukoviç parlamentin qərarı ilə prezident vəzifəsindən uzaqlaşdırılıb, dövlət başçısı səlahiyyətləri 1964-cü il təvəllüdlü parlament sədri Aleksandr Turçinova ötürülüb.
2014-cü il mayın 25-də keçirilmiş növbədənkənar seçkidə 1965-ci il təvəllüdlü Pyotr Poroşenko prezident seçilib.
Ukrayna prezidentliyinə kimlər iddia edir?
Şoumen namizəd: Zelenski kimdir?
Ukrayna: seçki yarışı ikinci tura qaldı
Rusiyapərəstlərdən Avropayönlülərə
Ukrayna: prezidentliyə namizədlər insan haqlarından nə deyir?
Kim Ukraynaya rəhbərlik etməyə hazırdır?
Xaos və nifrət: “VKontakte” Ukrayna seçkisindən nələr deyir?
Poroşenko-Zelenski: parlamentdə qüvvələr nisbəti