Yeni prezidentin 6 rəqibi var
İyunun 9-u Qazaxıstanda növbədənkənar prezident seçkisi keçiriləcək. Novator.az-ın məlumatına görə, dövlət başçısı postu uğrunda 7 nəfər mübarizə aparır.
Qazaxıstanın birinci prezidenti Nursultan Nazarbayev bu il martın 20-də istefa verib. O, hakim Nur Otan Partiyasının lideridir.
Nur Otan Partiyası prezidentliyə indiki dövlət başçısı Qasım-Comərd Tokayevi namizəd göstərib. Qasım-Comərd Tokayev martın 20-də Qazaxıstanın ikinci prezidenti elan edilib. Həmin günədək o, parlamentin yuxarı palatasının – Senatın sədri olub.
Ölkədə növbəti prezident seçkisi 2020-ci ilin yazında keçirilməli idi. Ancaq Qasım-Comərd Tokayev növbədənkənar seçki keçirilməsinə sərəncam verib.
Dövlət başçısının seçki yarışındakı rəqibləri bu şəxslərdir: Sәdіbəy Tüqel, Amangəldi Taspixov, Daniya Yespayeva, Toleutay Rəhimbəyov, Cambıl Əhmədbəyov, Əmircan Kosanov.
