“Qarabağ”ın mümkün rəqibi: “Ayaks”
Amsterdamın “Ayaks” klubu Hollandiya çempionu adını qazanıb. Novator.az bildirir ki, bu klub UEFA Çempionlar Liqasının 2019-2020 mövsümünün üçüncü ələmə raundunda Azərbaycan təmsilçisi “Qarabağ”a rəqib ola bilər.
Ağdamlılar turnirə birinci mərhələdən (9-17 iyul) qoşulur. Onun mümkün rəqibləri Maltadan “Valletta”, Rumıniyadan “Kluj”, Macarıstandan “Ferensvaroş”, Estoniyadan “Nomme Kalyu”, Albaniyadan “Partizani”, İslandiyadan “Valyur”, Şimali İrlandiyadan “Linfild”, Farer adalarından “HB Torshavn”, Latviyadan “Riqa”, Gürcüstandan “Saburtalo”dur.
Bu raundda “Seltik” (Şotlandiya), BATE (Belarus), “Astana” (Qazaxıstan), “Maribor” (Sloveniya), “Srvena Zvezda” (Serbiya), “Şerif” (Moldova), “Rusenborq” (Norveç), HİK (Finlandiya), “Dandolk” (İrlandiya), “Düdelanj” (Lüksemburq), “Şkendiya” (Şimali Makedoniya), “Nyu Sents” (Uels), “Slovan” (Slovakiya), AİK (İsveç), “Suduva” (Litva) komandaları da yer alır.
Təsnifat raundunda (25-28 iyun) hələlik bir komanda var: Cəbəllütariqdən “Linkoln”.
İkinci mərhələdə (23-31 iyul) Danimarkadan “Kopenhagen”, Xorvatiyadan “Dinamo”, Kiprdən APOEL, İsraildən “Makkabi” (Tel-Əviv), Hollandiyadan PSV, İsveçrədən “Bazel”, Yunanıstandan “Olimpiakos” start götürür.
Üçüncü mərhələdən (6-13 avqust) Hollandiyadan “Ayaks”ın, Yunanıstandan PAOK-un, dördüncü mərhələdən (20-28 avqust) İsveçrədən “Yanq Boyz”un başlayacağı dəqiqləşib.
Turnirə qrup raundundan (17 sentyabr-11 dekabr) qoşulacaq komandalar bunlardır: İspaniyadan “Barselona”, “Atletiko”, “Real”, İngiltərədən “Mançester Siti”, “Liverpul”, “Çelsi”, “Tottenhem”, İtaliyadan “Yuventus”, “Napoli”, Almaniyadan “Bavariya”, “Borussiya” (Dortmund), “Leypsiq”, Fransadan PSJ, Rusiyadan “Zenit”, Avstriyadan “Zalsburq”.
Fransadan “Lill”, Portuqaliyadan “Benfika” və “Portu”, Ukraynadan “Şaxtyor” və “Dinamo”, Belçikadan “Genk” və “Brügge”, Çexiyadan “Slaviya” və “Viktoriya” da Çempionlar Liqasında oynayacaqlar.
