“Avroviziya 2019”: ilk yarımfinalı kimlər adladı?
İsrailin Tel-Əviv şəhərində “Avroviziya 2019” mahnı müsabiqəsi start götürüb. Novator.az-ın məlumatına görə, mayın 14-də keçirilmiş birinci yarımfinalı 10 ölkənin təmsilçiləri dəf edib:
Yunanıstan – Katerina Duska
Belarus – Zinaida Kupriyanoviç
Serbiya – Nevena Bojoviç
Kipr – Tamta Qoduadze
Estoniya – Viktor Kron
Çexiya – “Lake Malavi” qrupu
Avstraliya – Keyt Miller-Haydki
İslandiya – “Hatari” qrupu
San Marino – Sərhad Hacıpaşalıoğlu
Sloveniya – Zala Kral və Qaşper Şantl.
Monteneqrodan “D-moll” qrupu, Finlandiyadan Ville Virtanen və Sebastyan Reyman, Polşadan “Tulia” qrupu, Macarıstandan Yoçi Papai, Belçikadan Eliot Vassamillet, Gürcüstandan Oto Nemsadze, Portuqaliyadan Konan Osiris ələniblər.
İkinci yarımfinal mayın 16-na təyin olunub. Ermənistanı Srbui Sərkisyan, İrlandiyanı Sara Makternan, Moldovanı Anna Odobesku, İsveçrəni Luka Henni, Latviyanı “Karusel” qrupu, Rumıniyanı Ester Peoni, Danimarkanı Leonora Kolmor Yepsen, İsveçi Con Lundvik, Avstriyanı Qabriela Horn, Xorvatiyanı Roko Blajeviç, Maltanı Mikela Paçe, Litvanı Yuri Veklenko, Rusiyanı Sergey Lazarev, Albaniyanı Yonida Maliçi, Norveçi “Keiino” qrupu, Niderlandı Dunkan Laurens, Şimali Makedoniyanı Tamara Todevska, Azərbaycanı Çingiz Mustafayev təmsil edir. Bu yarımfinaldan da finala 10 ifaçı adlayacaq.
Mayın 18-dək keçiriləcək finala Almaniyadan “Sisters” qrupu, Böyük Britaniyadan Maykl Rays, Fransadan Bilal Həsəni, İspaniyadan Migel Nunyes Poso, İsraildən Kobi Marimi, İtaliyadan Alessandro Mahmud a birbaşa vəsiqə alıblar.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir. Azərbaycan “Avroviziya”ya 2008-ci ildən qatılır.
