Miqrasiya pozuntuları, cəzalar
Dövlət Miqrasiya Xidməti 2019-cu ilin aprel ayının hesabatını verib. Rəsmi məlumata görə, ay ərzində əcnəbilərin olduğu yer üzrə qeydiyyatı ilə bağlı 45 min 19 müraciət qeydə alınıb.
Ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətlərinin uzadılmasına görə 6 min 868 müraciətin daxil olduğu bildirilir.
Hesabata əsasən, qanunvericiliyin tələblərinin pozulması ilə əlaqədar 1029 qərar çıxarılıb. Qərarların 569-u inzibati cərimə tətbiqini əhatə edib.
422 qərar ölkə ərazisinə girişə məhdudiyyət qoyulmasını nəzərdə tutub.
22 qərar müvəqqəti və daimi yaşamaq üçün sənədin yeni sənədlə əvəzlənməsi, 10 qərar qeydiyyata alınma və qeydiyyatdan çıxarılma üçün tədbirlərin görülməməsi ilə bağlı olub.
Əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 6 qərar qəbul edilib.
