Hərrac hesabatı
Əmlak Məsələləri Dövlət Komitəsinin 14 may hərracında kiçik dövlət müəssisə və obyektləri, yarımçıq tikili və nəqliyyat vasitələri özəlləşdirilib.
Rəsmi məlumata görə, Tovuz rayonunun Əyyublu kəndində yerləşən kiçik dövlət müəssisəsinə 33 min manat ödənib.
İsmayıllı rayonunun Əhən kəndində tikintisi yarımçıq qalmış inzibati bina 6 min 500 manata satılıb.
2004-cü ildə istehsal olunmuş “Mersedes” markalı avtomobil üçün ilkin qiymət 6 min manat təyin olunub, hərracda qiymət 10 min 200 manata yüksəlib.
2005-ci ildə buraxılmış “Nissan Maxima”nın qiyməti 3 min manatdan 5 min manata qalxıb.
21 may hərracına 19 səhmdar cəmiyyəti çıxarılıb.
