Rusiya: ixrac artıb, idxal azalıb
Rusiya Federal Gömrük Xidməti yanvar-mart ayları üzrə xarici ticarət göstəricilərini açıqlayıb.
Novator.az-ın məlumatına görə, 2019-cu ilin birinci rübündə xarici ticarətdə müsbət saldonun 2018-ci ilin eyni dövrü ilə müqayisədə 5,8% artaraq 51,1 milyard dollara çatdığı bildirilir.
Üç ayda ixracın həcmi 1,4% artaraq 104,9 milyard dollar olub, idxal isə 2,4% azalaraq 53,8 milyard dollara düşüb.
Rusiyanın əsas xarici ticarət tərəfdaşları Avropa İttifaqı ölkələridir. Yanvar-mart aylarında Rusiyanın xarici ticarət dövriyyəsinin 43,5%-i həmin ölkələrin payına düşüb.
Sonrakı yerlərdə 31,2%-lə Asiya-Sakit Okean İqtisadi Əməkdaşlıq Təşkilatı ölkələri, 11,4%-lə MDB ölkələri, 7,9%-lə Avrasiya İqtisadi İttifaqı ölkələri gəlir.
Səidə Hüseynova
