Fuad Ələsgərova “Şöhrət” ordeni verildi
Mayın 13-də sərəncam imzalayan prezident İlham Əliyev Fuad Ələsgərovu “Şöhrət” ordeni ilə təltif edib. Təltif Fuad Ələsgərovun dövlət qulluğunda uzunmüddətli səmərəli fəaliyyəti ilə əsaslandırılıb.
Novator.az bildirir ki, Fuad Ələsgərovun 60 yaşı tamam olur. 1959-cu il mayın 14-ü Bakı şəhərində doğulan Fuad Ələsgərov indiki Bakı Dövlət Universitetinin hüquq fakültəsini bitirib. Ədliyyə Nazirliyinin Notariat və VVAQ İdarəsində məsləhətçi, Məhkəmə Orqanları İdarəsində məsləhətçi, Nəzarət və İcranın Yoxlanılması İdarəsində baş məsləhətçi vəzifələrində çalışıb.
Suraxanı Rayon Xalq Məhkəməsinin xalq hakimi, Ali Məhkəmənin üzvü olub, Prezidentin İcra Aparatının dövlət-hüquq şöbəsinin müdiri, hüquq mühafizə orqanları ilə iş şöbəsinin müdiri postlarını tutub.
Hazırda prezidentin hüquq mühafizə orqanları ilə iş və hərbi məsələlər üzrə köməkçisi-şöbə müdiridir.
1-ci dərəcə dövlət müşaviridir.
