Ermənistan: turistlərin sayı 5,2% artıb
Ermənistanın Statistika Komitəsi 2019-cu ilin birinci rübü üzrə turizm hesabatı yayıb. Novator.az xəbər verir ki, hesabata görə, yanvar-mart aylarında ölkəni ziyarət edənlərin sayı 2018-ci ilin eyni dövrü ilə müqayisədə 5,2% artaraq 364 min 489 nəfər olub.
Yanvar-mart aylarında Azərbaycanı 610,8 min və ya ötən ilin ilk rübü ilə müqayisədə 2,9 faiz az əcnəbi və vətəndaşlığı olmayan şəxs ziyarət edib.
2018-ci ildə Azərbaycana 2 milyon 849,6 min (əvvəlki illə müqayisədə 5,7 faiz çox) əcnəbi və vətəndaşlığı olmayan şəxs gəldiyi açıqlanıb.
Həmin ildə Ermənistana gələn turistlərin sayı 1 milyon 651 min nəfər göstərilib. Bu, 2017-ci illə müqayisədə 10,5% artım deməkdir.
