Dövlət varidatı: müəlliflərin və filmlərin siyahısı təsdiqlənib
Nazirlər Kabineti əsərlərin dövlət varidatı elan edilməsi qaydalarını, həmçinin əsərləri dövlət varidatı elan edilən müəlliflərin və dövlət varidatı elan edilən filmlərin siyahısını təsdiqləyib.
Novator.az bildirir ki, qərara əsasən, istifadəçilər dövlət varidatı elan edilmiş əsərlərdən istifadəyə görə Əqli Mülkiyyət Agentliyinə müəllif qonorarı səviyyəsində xüsusi ödənişlər verməlidir. Dövlət varidatı elan edilmiş əsərlərin nəşri (çapı) üçün tirajın ümumi məbləğinin 2 faizi həcmində ödəniş nəzərdə tutulur.
Əqli Mülkiyyət Agentliyi qorunma müddəti bitdiyinə görə ictimai varidata keçmiş əsərləri müəyyənləşdirib onların uçotunu aparmalıdır.
Dövlət varidatı elan edilmiş əsərlər istisna olmaqla ictimai varidat dairəsinə keçmiş əsərlərdən istifadə sərbəstdir və onlardan istifadəyə görə qonorar ödənmir.
Əsərləri dövlət varidatı elan edilən müəlliflər bunlardır:
Qətran Təbrizi
Məhsəti Gəncəvi
Əfzələddin Xaqani
Nizami Gəncəvi
Qazi Bürhanəddin
İmadəddin Nəsimi
Aşıq Qurbani
Şah İsmayıl Xətai
Məhəmməd Füzuli
Aşıq Abbas Tufarqanlı
Molla Pənah Vaqif
Molla Vəli Vidadi
Qasım bəy Zakir
Mirzə Fətəli Axundzadə
Həsən bəy Zərdabi
Seyid Əzim Şirvani
Xurşidbanu Natəvan
Mirzə Ələkbər Sabir
Nəcəf bəy Vəzirov
Aşıq Ələsgər
Cəlil Məmmədquluzadə
Əbdürrəhim bəy Haqverdiyev
Cəfər Cabbarlı
Əhməd Cavad
Mikayıl Müşfiq
Əhməd bəy Ağayev
Əli bəy Hüseynzadə
Nəriman Nərimanov
Məmməd Səid Ordubadi
Hüseyn Cavid
Əzim Əzimzadə
Yusif Vəzir Çəmənzəminli
Üzeyir Hacıbəyov
Səməd Vurğun
Əliağa Vahid.
Dövlət varidatı elan edilən filmlər bunlardır:
“Sevil” (1929-cu ildə çəkilib)
“Lətif ” (1930)
“İsmət” (1934)
“Mavi dənizin sahilində” (1935)
“Almaz” (1936)
“Bakılılar” (1938)
“Kəndlilər” (1939)
“Səbuhi” (1941)
“Bir ailə” (1943)
“Arşın mal alan” (1945)
“Görüş” (1955).
