Dörd ayda nə qədər inflyasiya gedib?
Dövlət Statistika Komitəsi istehlak bazarında qiymətlərin necə dəyişdiyini açıqlayıb. Novator.az-ın məlumatına görə, hesabatda qeyd olunur ki, 2019-cu ilin yanvar-aprel aylarında istehlak məhsulları və xidmətlər 2018-ci ilin müvafiq dövrünə nisbətən 2,4 faiz, o cümlədən ərzaq məhsulları, içkilər və tütün məmulatları 2 faiz, qeyri-ərzaq malları 1,2 faiz, əhaliyə göstərilən ödənişli xidmətlər 3,7 faiz bahalaşıb.
Aprel ayında istehlak məhsullarının və xidmətlərin qiymətləri mart ayına nisbətən 0,4 faiz, o cümlədən ərzaq məhsulları, içkilər və tütün məmulatlarının qiymətləri 0,8 faiz, qeyri-ərzaq mallarının və əhaliyə göstərilən ödənişli xidmətlərin qiymətləri 0,1 faiz artıb.
