Çempionlar Liqası: növbəti mövsümün komandaları
Novator.az UEFA Çempionlar Liqasının 2019-2020 mövsümünə vəsiqəni təmin etmiş klubların siyahısına nəzər salıb.
Turnirə birbaşa qrup raundundan (17 sentyabr-11 dekabr) başlayacaq komandalar bunlardır: İspaniyadan “Barselona”, “Atletiko”, “Real”, İngiltərədən “Mançester Siti”, “Liverpul”, “Çelsi”, “Tottenhem”, İtaliyadan “Yuventus”, “Napoli”, Almaniyadan “Bavariya”, “Borussiya” (Dortmund), “Leypsiq”, Fransadan PSJ, Rusiyadan “Zenit”, Avstriyadan “Zalsburq”.
Təsnifat raundunda (25-28 iyun) hələlik Cəbəllütariqdən “Linkoln” yer alır.
Azərbaycan təmsilçisi “Qarabağ” turnirə birinci mərhələdən (9-17 iyul) qoşulur. Onun mümkün rəqibləri Rumıniyadan “Kluj”, Macarıstandan “Ferensvaroş”, Estoniyadan “Nomme Kalyu”, Albaniyadan “Partizani”, İslandiyadan “Valyur”, Şimali İrlandiyadan “Linfild”, Farer adalarından “HB Torshavn”, Latviyadan “Riqa”, Gürcüstandan “Saburtalo”dur.
Bu raundda “Seltik” (Şotlandiya), BATE (Belarus), “Astana” (Qazaxıstan), “Srvena Zvezda” (Serbiya), “Şerif” (Moldova), “Rusenborq” (Norveç), HİK (Finlandiya), “Dandolk” (İrlandiya), “Düdelanj” (Lüksemburq), “Şkendiya” (Şimali Makedoniya), “Nyu Sents” (Uels), “Slovan” (Slovakiya), AİK (İsveç), “Suduva” (Litva), “Valletta” (Malta) komandaları da yer alır.
Turnirin ikinci mərhələsi 23-31 iyulda, üçüncü mərhələsi 6-13 avqustda, dördüncü mərhələsi 20-28 avqustda keçiriləcək.
Fransadan “Lill”, Portuqaliyadan “Benfika” və “Portu”, Ukraynadan “Şaxtyor” və “Dinamo”, Belçikadan “Genk” və “Brügge”, İsveçrədən “Yanq Boyz” və “Bazel”, Çexiyadan “Slaviya”, Hollandiyadan PSV və “Ayaks”, Yunanıstandan PAOK və “Olimpiakos”, Xorvatiyadan “Dinamo”, Danimarkadan “Kopenhagen”, İsraildən “Makkabi” (Tel-Əviv), Kiprdən APOEL də Çempionlar Liqasında oynayacaqlar.
