Məzənnələrin düşən yeri
Mayın 8-də avronun rəsmi kursu 1,9049 manata düşüb.
Novator.az-ın məlumatına görə, Mərkəzi Bank Gürcüstan larisini (0,6238 manat), Rusiya rublunu (0,0260 manat), Türkiyə lirəsini də (0,2752 manat) ucuzlaşdırıb.
ABŞ dollarının məzənnəsi isə yenə 1,7 manatdır. Bu qiymət 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dörd ayda manatı qorumağa 1 milyard 975,3 milyon ABŞ dolları məbləğində vəsait gedib.
Dövlət Neft Fondu Mərkəzi Bankın yanvar hərraclarında 634,9 milyon dollar, fevral hərraclarında 316,2 milyon dollar, mart hərraclarında 600,5 milyon dollar, aprel hərraclarında 423,7 milyon dollar satıb.
