Hərrac qiymətləri necə dəyişdi?
Əmlak Məsələləri Dövlət Komitəsinin 7 may hərracında 12 dövlət əmlakına 16 sifariş verilib. Rəsmi məlumata görə, paytaxtın Nərimanov rayonunun Ağa Nemətulla küçəsindəki 47,9 kvadratmetrlik qeyri-yaşayış sahəsi 35 min manata təklif olunub. Qalib iştirakçı xidmət və ya ofis obyekti kimi istifadəyə imkan verən əmlakı 48 min manata özəlləşdirib.
2005-ci ildə istehsal olunan “QAZ-31105” markalı avtomobilə əvvəlcə 2 min manat qiymət qoyulub. Hərrac qalibi maşın üçün 5 min manat ödəyib.
14 may hərracında 58 dövlət əmlakı üzrə seçim etmək imkanı olduğu bildirilir. Dövlət əmlaklarından 15-i səhmdar cəmiyyəti, 31-i kiçik dövlət müəssisə və obyekti, 5-i yarımçıq tikili və qeyri-yaşayış sahəsi, 7-si nəqliyyat vasitəsidir.
