Gürcüstana gedənlər: yeni rəqəmlər açıqlanıb
Bu ilin dörd ayında (yanvar-aprel) Gürcüstana 2 milyon 200 mindən çox əcnəbi səfər edib.
Bu, 2018-ci ilin eyni dövrü ilə müqayisədə 2,9% çoxdur.
Gürcüstana gedənlərin 1,2 milyon nəfəri turist olub. Bu, ötən ilin eyni dövrü ilə müqayisədə 4,8% artım deməkdir.
Statistikanı Gürcüstan Milli Turizm Administrasiyası yayıb.
Novator.az xəbər verir ki, administrasiya bu ilin yanvar-aprel aylarında Gürcüstana səfər edən əcnəbilər arasında Azərbaycan vətəndaşlarının birinci yeri tutduğunu açıqlayıb.
Sonrakı yerlərdə Rusiya, Ermənistan, Türkiyə və Ukrayna vətəndaşlarıdır.
Yanvar-mart aylarında Gürcüstan turizmdən 578 milyon dollar gəlir əldə edib. Bu, ötən ilin eyni dövrü ilə müqayisədə 28 milyon (5%) dollar çoxdur.
Səidə Hüseynova
