Milli çempionatlardan yeni soraqlar
Avropada milli futbol çempionatları başa çatmaq üzrədir. Novator.az-ın məlumatına görə, 37 oyundan sonra İngiltərə çempionatında 94 xalla “Liverpul” öndədir. Ehtiyatda bir oyunu olan “Mançester Siti” 92 xal toplayıb. “Çelsi”nin 71, “Tottenhem”in 70, “Arsenal”ın 67, “Mançester Yunayted”in 66 xalı var.
Almaniya çempionatında 32 tura 74 xal toplayan “Bavariya” ilk sıradadır. Dortmund “Borussiya”sı 70, “Leypsiq” 65, “Ayntraxt” (Frankfurt) və “Bayer” 54 xal götürüb.
Payız-yaz sistemi ilə keçirilən bir çox birincilikdə çempion bəllidir. “Barselona” İspaniya çempionatının, “Yuventus” İtaliya çempionatının, PSJ Fransa çempionatının, “Zenit” Rusiya çempionatının, “Yanq Boyz” İsveçrə çempionatının, PAOK Yunanıstan çempionatının, “Dinamo” Xorvatiya çempionatının, “Kopenhagen” Danimarka çempionatının, “Makkabi” (Tel-Əviv) İsrail çempionatının, APOEL Kipr çempionatının, “Srvena Zvezda” Serbiya çempionatının, “Seltik” Şotlandiya çempionatının, “Slovan” Slovakiya çempionatının, “Ferensvaroş” Macarıstan çempionatının, “Şkendiya” Şimali Makedoniya çempionatının, “Valletta” Malta çempionatının, “Linfild” Şimali İrlandiya çempionatının, “Nyu Sents” Uels çempionatının qalibi olub.
