Ermənistanda millətlər şurası
Ermənistanda Milli Azlıqlar Şurası yaradılıb. Novator.az-ın məlumatına görə, baş nazir Nikol Paşinyanın qərarı ilə qurulan Milli Azlıqlar Şurasına ölkənin hər icmasından 2 nəfər daxil olacaq. Məşvərətçi xarakter daşıyan şuranın milli azlıqların hüquqlarının, etnik kimliklərinin və mədəniyyətlərinin qorunması üçün təkliflər hazırlayacağı bildirilir.
Rəsmi arayışa əsasən, Ermənistanda əhalinin 2,5%-i milli azlıqlardır. Ölkədə 42 minə yaxın yezidinin, 14 minə yaxın rusun (5 mini molokan), 3,6 min assuriyalının, 3,5 min ukraynalının, 1,3 min yunanın yaşadığı vurğulanır. Sayları 1000 nəfərdən az olan başqa icmalar da var.
