Qaz limiti necə tətbiq olunacaq?
2019-ci il mayın 1-dən təbii qazın bir kubmetri əhaliyə 2200 kubmetrədək olan hissə üçün 10 qəpiyə, 2200 kubmetrdən çox hissə üçün 20 qəpiyə satılır.
Buna qədər aşağı tarif 1700 kubmetrədək olan hissəyə aid idi.
Tarif (qiymət) Şurası limitin bu il yanvarın 1-dən istifadə olunan təbii qazın həcminə uyğun tətbiq ediləcəyini bildirir: “Tutaq ki, abonent mayın 1-dək 1400 kubmetr qaz istehlak edib. Bu halda abonent ilin sonunadək daha 800 kubmetr təbii qazı aşağı tariflə (1 kubmetr üçün 10 qəpik) istifadə edə biləcək. Abonent bu tarixədək əvvəlki limiti (1700 kubmetr) ötübsə, yeni limitədək olan hissə üçün ödədiyi vəsait hesablaşmalarda nəzərə alınacaq.
Abonent il ərzində müəyyən olunmuş yeni limitdən (2200 kubmetr) çox təbii qaz istifadə edərsə, bu halda hesablaşma yeni limitdən artıq hissə üçün 1 kubmetrə 20 qəpik olmaqla həyata keçiriləcək”.
