Məzənnələrin 4 ayı
Mərkəzi Bank 2019-cu ilin dördüncü ayının son məzənnələrini açıqlayıb. Aprelin 30-da ABŞ dolları 1,7, avro 1,9020, Gürcüstan larisi 0,6289, Rusiya rublu 0,0264, Türkiyə lirəsi 0,2853 manata satılır (Tam siyahı).
Novator.az valyuta kurslarının yanvar-aprel aylarında necə dəyişməsinə də nəzər salıb.
Avro 2019-cu ilə 1,9323 manatla başlayıb. Yanvarda yüksək kurs kimi 1,9647, fevralda 1,9452, martda 1,9337, apreldə 1,9225 manat səviyyəsi rəsmiləşib.
Gürcüstan larisi 0,6346 manatla start götürüb. Yanvarın yuxarı rəsmi qiyməti 0,6409, fevralın yüksək göstəricisi 0,6445, martın rekordu 0,6384, aprelin zirvəsi 0,6333 manatdır.
Rusiya rublu ilə 0,0245 manatla girib. Həm yanvarın, həm də fevralın yüksək kursu 0,0260 manat, martın zirvəsi 0,0264, aprelin rekordu 0,0267 manat olub.
Türkiyə lirəsinin ilk rəsmi qiyməti 0,3141 manat göstərilib. Yanvarda maksimum kurs kimi 0,3255, fevralda 0,3275, martda 0,3183, apreldə 0,3073 manat həddi qeydə alınıb.
ABŞ dollarının rəsmi qiyməti isə 2018-ci il martın 7-dən 1,7 manatdır.
Dövlət Neft Fondu manatı qorumaq üçün Mərkəzi Bankın bu ilin yanvar-mart aylarında keçirdiyi valyuta hərraclarında 1 milyard 551,6 milyon ABŞ dolları məbləğində vəsait satıb.
Yanvarın hərraclarında fonddan 634,9 milyon dollar, fevralın hərraclarında 316,2 milyon dollar, martın hərraclarında 600,5 milyon dollar alınıb.
