Hərrac hesabatı
Əmlak Məsələləri Dövlət Komitəsi 30 aprel hərracının nəticələrini açıqlayıb. Rəsmi məlumata görə, özəlləşdirilən dövlət əmlaklarından biri Qusarın Gədəzeyxur kəndində yerləşən Qusar Tədarük Satış Bazasıdır. Ümumi faydalı sahəsi 3813 kvadratmetr olan kiçik dövlət müəssisəsi geniş torpaq sahəsi ilə birgə özəlləşdirilib.
Nəqliyyat vasitələri hərracda rəqabətli mühit yaradıb. 2006-cı ildə buraxılan QAZ markalı avtomobilin ilkin qiyməti 7 min manat təyin olunub, qalib iştirakçı ona 9 min 400 manat təklif edib.
“Kia Pregio” markalı avtomobil (2000-ci ildə istehsal olunub) hərracda 4 min 100 manata satılıb.
Başqa bir açıqlamaya əsasən, 29 may hərracına ümumilikdə 58 dövlət əmlakı çıxarılacaq. Onların 42-si kiçik dövlət müəssisə və obyekti, 16-sı qeyri-yaşayış sahələridir.
