Neft Fondunun gəlir-çıxarı
Dövlət Neft Fondu vəsaitlərinin həcmini açıqlayıb. Rəsmi hesabata görə, 2019-cu ilin yanvar-mart aylarında fondun 5 milyard 960,7 milyon manat gəliri, 2 milyard 640,7 milyon manat xərci olub.
Birinci rübdə dövlət büdcəsinə 2 milyard 615 milyon manat köçürüldüyü, qaçqın və məcburi köçkün ailələri üzrə tədbirlərə 19,7 milyon manat ayrıldığı bildirilir. Yanvar-mart ayları ərzində fondun idarə edilməsinə 6 milyon manat xərclənib.
Aprelin 1-nə fondun aktivləri 2019-cu ilin əvvəli ilə müqayisədə 4,56% artaraq 40 milyard 273,3 milyon ABŞ dollarına çatıb.
