Hərbə ən çox vəsait xərcləyən ölkələr
Stokholm Beynəlxalq Sülh Araşdırmaları İnstitutu 2018-ci ilin hərbi xərcləri üzrə hesabat açıqlayıb. Novator.az-ın məlumatına görə, hərbi xərc reytinqinin ilk pilləsində ABŞ dayanır. 2018-ci ildə ölkənin hərbi xərcləri 649 milyard dollar olub.
İkinci yeri Çin (250 milyard dollar), üçüncü yeri Səudiyyə Ərəbistanı (67,6 milyard dollar) tutur.
İlk onluqda Hindistan (66,5 milyard dollar), Fransa (63,8 milyard dollar), Rusiya (61,4 milyard dollar), Böyük Britaniya (50 milyard dollar), Almaniya (49,5 milyard dollar), Yaponiya (46,6 milyard dollar) və Cənubi Koreya da (43,1 milyard dollar) yer alır.
Türkiyə 19 milyard dollar hərbi xərclə 15-ci, İran 13,2 milyard dollar hərbi xərclə 18-ci yerdə göstərilir.
