Üç ayda Ermənistan iqtisadiyyatı 6,5% artıb
Ermənistanın Statistika Komitəsi 2019-cu ilin birinci rübünün iqtisadi göstəricilərini açıqlayıb. Novator.az bildirir ki, rəsmi hesabata görə, birinci rübdə ölkənin ümumi daxili məhsulu ötən ilin yanvar-mart ayları ilə müqayisədə 6,5% artıb.
Üç ayda xidmət sahəsində 17,3%, tikinti sektorunda 10,8%, ticarət dövriyyəsində 10,1%, sənayedə 2% artımın qeydə alındığı vurğulanır.
Hesabata əsasən, xarici ticarət dövriyyəsinin həcmi birinci rübdə 5%, kənd təsərrüfatında məhsul istehsalı 0,2% azalıb.
2019-cu ilin yanvar-mart aylarında Azərbaycanda 18 milyard 111,7 milyon manatlıq və ya əvvəlki ilin müvafiq dövrü ilə müqayisədə 3 faiz çox ümumi daxili məhsul istehsal edilib.
