Tərslik bəhrə verir? KTMT-də qaydalar dəyişə bilər
Ermənistan Kollektiv Təhlükəsizlik Müqaviləsi Təşkilatının (KTMT) nizamnaməsinə dəyişiklik təklif edib. Novator.az bildirir ki, rəsmi təklifə əsasən, KTMT-nin baş katibi postdan vaxtından əvvəl gedəcəyi halda vəzifə onun təmsil etdiyi ölkədə qalmalıdır.
Təklifə KTMT Xarici İşlər Nazirləri Şurasının mayın 22-si Qırğızıstanın paytaxtı Bişkekdə keçiriləcək iclasında baxılmalıdır. Nizamnamə dəyişikliyi razılaşdırılsa, təklif üzv ölkələrin liderlərinin daxil olduğu ali orqana – Kollektiv Təhlükəsizlik Şurasına göndəriləcək. Kollektiv Təhlükəsizlik Şurasının sammiti payızda keçirilməlidir.
KTMT 1992-ci il mayın 15-də yaradılıb. Hərbi-siyasi birliyə Rusiya, Belarus, Ermənistan, Qazaxıstan, Qırğızıstan və Tacikistan daxildir.
Qurumda ali vəzifəli şəxs olan baş katib postunu 2017-ci il mayın 2-dən erməni general-polkovnik Yuri Xaçaturov tutub. Üç il müddətinə seçilən Yuri Xaçaturov 2018-ci il oktyabrın 30-da Ermənistanın təşəbbüsü ilə vəzifədən uzaqlaşdırılıb. Baş katib səlahiyyətləri müvəqqəti olaraq rusiyalı müavin Valeri Semerikova verilib.
Ermənistan baş katib postuna sabiq müdafiə naziri Vaqarşak Arutyunyanı namizəd göstərib. Ancaq KTMT-nin digər üzvləri Ermənistan nümayəndəsinin yenidən baş katib olmasını istəməyib. Belarus baş katib postuna öz təmsilçisi Stanislav Zası irəli sürüb. Qırğızıstan, Qazaxıstan, Tacikistan və Rusiya razılıq versə də, Ermənistanın müqaviməti üzündən Stanislav Zas baş katib ola bilməyib.
Erməni general hərbi alyansdakı postunu itirdi
Baş katib seçimi dekabra qaldı
KTMT: baş katib postuna yeni namizəd kimdir?
