Avronun eniş rekordu
Avro 2019-cu ildə ilk dəfə 1 manat 90 qəpik həddindən aşağı düşüb. Novator.az-ın məlumatına görə, aprelin 25-də Mərkəzi Bank avronu 1,8968 manata təklif edir.
Nağdsız dövriyyəyə 1999-cu ildə buraxılan avro 2002-ci ildən real pul vahidi kimi işlədilir. Zonaya Almaniya, Andorra, Avstriya, Belçika, Estoniya, Finlandiya, Fransa, İrlandiya, İspaniya, İtaliya, Kipr, Latviya, Litva, Lüksemburq, Malta, Monako, Niderland, Portuqaliya, San Marino, Slovakiya, Sloveniya, Vatikan və Yunanıstan daxildir.
Avro 2019-cu ilə 1,9323 manatla başlayıb. Yanvarda yüksək kurs 1,9647, fevralda 1,9452, martda 1,9337, apreldə 1,9225 manat olub.
Aprelin 25-də başqa bir neçə valyuta da ucuzlaşıb. Gürcüstan larisi 0,6294, Rusiya rublu 0,0264, Türkiyə lirəsi 0,2888 manata düşüb.
Lari 2019-cu ilə 0,6346, rubl 0,0245, lirə 0,3141 manatla start verib.
ABŞ dollarının banklara satış qiyməti sabit qalıb: 1,7 manat. Bu kurs 2018-ci il martın 7-dən qüvvədədir.
Dəyər artıran İsveçrə frankı banklara 1,6664, Misir funtu 0,0991 manata satılır (Məzənnələr).
