Poroşenko-Zelenski: parlamentdə qüvvələr nisbəti
Aprelin 21-də Ukrayna prezidenti seçilən Vladimir Zelenski marafona Xalq Xidmətçisi Partiyasının namizədi kimi qatılıb. Novator.az bildirir ki, bu partiya Ukrayna parlamentində – Ali Radada təmsil olunmur. Ölkə konstitusiyasına görə, hökuməti 450 yerlik parlamentdə azı 226 mandatı olan siyasi qüvvə qurur.
2014-cü ildən prezident postunu tutan Pyotr Poroşenkoya dəstək verən blokun Ali Radada 135 mandatı var.
Xalq Cəbhəsi 80, Müxalif blok 38, Samopomoş Partiyası 25, Dirçəliş Partiyası 24, Radikal Partiya 21, Batkivşina Partiyası 20, “Xalq iradəsi” qrupu 19 mandata sahibdir.
61 deputat heç bir fraksiyaya qatılmır.
Ukraynada prezident seçkisinin ikinci turunun ilkin nəticələrinə görə, Vladimir Zelenski 73,2%, Pyotr Poroşenko 24,4% səs yığıb.
