Qonşuluqda orta maaş
Rusiyanın “Uralsib” bankı əhalinin gəlirləri ilə bağlı yeni göstəricilər açıqlayıb. Novator.az xəbər verir ki, 2019-cu ilin birinci rübündə əhalinin real gəlirlərinin 2018-ci ilin eyni dövrü ilə müqayisədə 2,3% azaldığı vurğulanır.
Bankın hesabatında mart ayında işsizlik həddinin 4,7%-ə endiyi qeyd olunur.
İlk rübün yekununa görə, ölkədə inflyasiya 5%-i keçib. Mart ayında illik inflyasiya 5,3%-ə yüksəlib.
Rusiya Federal Statistika Xidmətinin hesabatına əsasən, 2019-cu ilin martında ölkədə orta aylıq əməkhaqqı ötən ilin eyni ayı ilə müqayisədə 5,2% çoxalaraq 45 min rubl (1197 manat) təşkil edib. Bu ilin ilk rübündə orta aylıq maaşın 5,6% yüksəldiyi bildirilir.
Rəsmi hesabata əsasən, 2019-cu il martın 1-nə Azərbaycanda muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 8,6 faiz artaraq 554,9 manat olub.
Səidə Hüseynova
