Bakı yolunda dörd yolçu qaldı
UEFA Avropa Liqasının 1/4 finalı başa çatıb. Novator.az-ın məlumatına görə, aprelin 18-də “Benfika”nı qəbul edən “Ayntraxt” (Frankfurt) 2:0 hesabı ilə üstün gələrək mərhələ adlayıb. İlk oyunda portuqaliyalılar sevinmişdi – 4:2.
“Arsenal” (London) səfərdə “Napoli”ni 1 cavabsız topla udaraq yarımfinala çıxıb. Bu klub ilk oyunda rəqibini 2:0 hesabı ilə məyus etmişdi.
Səfərdə oynayan “Vilyarreal” komandası “Valensiya”ya 0:2 (ilk oyun 1:3), “Slaviya” isə “Çelsi”yə 3:4 (ilk oyun 0:1) yenilərək turnirdən ələniblər.
Yarımfinalda “Arsenal”la “Valensiya”, “Çelsi” ilə “Ayntraxt” üz-üzə gələcəklər.
Avropa Liqasının final oyunu mayın 29-u Bakı Olimpiya Stadionunda keçiriləcək.
1971-ci ildən keçirilən, 2008-ci ilədək UEFA kuboku adlanmış Avropa Liqasında “Ayntraxt”, “Valensiya” və “Çelsi”nin hərəyə 1 titulu var.
UEFA-nın klub turnirlərində 4 ölkənin 8 komandası (Çempionlar Liqasında 4, Avropa Liqasında 4 klub) qalır. İngiltərə 4, İspaniya 2, Almaniya və Hollandiya 1 komanda ilə təmsil olunur.
