Kabinetdə yeni sözçü
Nazirlər Kabinetinin mətbuat xidmətinə yeni rəhbər təyin edilib – Ayaz Mirzəyev.
1983-cü il təvəllüdlü Ayaz Mirzəyev Azərbaycan Dövlət İqtisad Universitetinin bakalavr və magistratura pillələrini bitirib. ANS televiziyasında (2016-cı ildə qapadılıb) çalışıb. Azərbaycan Jurnalistlər Şəbəkəsi İctimai Birliyinin sədri, Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının üzvüdür.
Novator.az xatırladır ki, Nazirlər Kabinetinin mətbuat xidmətinin əvvəlki rəhbəri Akif Əli bu ilin mart ayında pensiyaya çıxıb. 1952-ci il təvəllüdlü Akif Əli Bakı Slavyan Universitetinin və Bakı Ali Partiya Məktəbinin (indiki Dövlət İdarəçilik Akademiyası) məzunudur. Dövlət Televiziya və Radio Verilişləri Komitəsində (kiçik redaktor, redaktor, şöbə müdiri, baş redaktor) çalışıb, “Vətən səsi” qəzetinin baş redaktoru olub.
Nazirlər Kabinetinin mətbuat xidmətinə 1994-cü ildən rəhbərlik edib.
