Finalın yarısı
UEFA-nın əsas klub turniri – Çempionlar Liqasında 1/4 final raundu başa çatıb. Novator.az-ın məlumatına görə, aprelin 17-si “Portu”nun qonağı olan “Liverpul” 4:1 hesabı ilə üstün gəlib. Rəqibini ilk oyunda da yenmiş (2:0) “Liverpul” mərhələ adlayaraq “Barselona”ya rəqib olub.
“Mançester Siti” – “Tottenhem” matçında meydan sahibləri qələbə çalıb – 4:3. İlk oyunda qol buraxmadan üstün olmuş (1:0) qonaqlar yarımfinalda “Ayaks”la üz-üzə gələcək.
