Üç aylıq miqrasiya hesabatı
Dövlət Miqrasiya Xidməti 2019-cu ilin birinci rübünə olan statistik məlumatları açıqlayıb. Rəsmi hesabata görə, yanvar-mart aylarında quruma əcnəbilərin və vətəndaşlığı olmayan şəxslərin olduğu yer üzrə qeydiyyatı ilə bağlı 136 min 484 müraciəti gəlib.
Rüb ərzində ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətlərinin uzadılmasına görə 17 min 282 müraciət daxil olub.
Miqrasiya qaydalarının, o cümlədən inzibati qanunvericiliyin tələblərinin pozulması ilə əlaqədar 3113 qərar qəbul edilib. 1761 qərar inzibati cərimə tətbiqini, 1234 qərar ölkə ərazisinə girişə məhdudiyyəti, 55 qərar müvəqqəti və daimi yaşamaq üçün sənədin yeni sənədlə əvəz olunmasını, 49 qərar əcnəbilərin və vətəndaşlığı olmayan şəxslərin qeydiyyatı üzrə pozuntuları, 11 qərar əcnəbilərin və vətəndaşlığı olmayan şəxslərin işə cəlb edilməsi qaydasının pozulmasını, 3 qərar qanunvericiliyin digər müddəalarının tələblərinin pozulmasını əhatə edib.
