Finişə doğru
Avropanın milli futbol çempionatları finiş xəttinə yaxınlaşır. Novator.az-ın məlumatına görə, 34 oyundan sonra İngiltərə çempionatında “Liverpul” 85 xalla öndədir. Bir oyun az keçirən “Mançester Siti” 83, “Tottenhem” 67 xal yığıb.
“Çelsi”nin 34 oyundan 66, “Mançester Yunayted”in 33 oyundan 64, “Arsenal”ın 32 oyundan 63 xalı var.
İspaniya çempionatında 32-ci tura aprelin 15-də yekun vurulacaq. Lider “Barselona” 74, “Atletiko” 65, “Real” 60 (ehtiyatda 1 oyunu var), “Sevilya” 52 xal əldə edib.
İtaliya milli futbol çempionatında 32-ci turun oyunları keçirilib. Turnir cədvəlinə 84 xalla “Yuventus” başçılıq edir. “Napoli”nin 67, “İnter”in 60, “Milan”ın 55, “Roma”nın 54 xalı var.
Almaniya çempionatında 29 tura 67 xal yığan “Bavariya” ilk sıradadır. Dortmund “Borussiya”sı 66, “Leypsiq” 58, “Ayntraxt” (Frankfurt) 52 xal götürüb.
Fransa çempionatında 31 oyuna 81 xal yığan PSJ liderdir. “Lill” 32 oyunda 64, “Lion” 56 xal toplayıb.
