Daşınmaz əmlak: ən bahalı 10 şəhərin adı açıqlanıb
Əmlak sahəsində ixtisaslaşmış CBRE şirkəti (ABŞ) illik hesabat açıqlayıb. Novator.az xəbər verir ki, hesabat çərçivəsində daşınmaz əmlak sarıdan bahalı şəhərlərin reytinqi tərtib olunub.
Reytinq cədvəlinə Honkonq liderlik edir. Bu şəhərin daşınmaz əmlak bazarında orta qiymət 1 milyon 235,2 min ABŞ dolları göstərilir.
Bahalığa görə ikinci yerdə Sinqapur (874,3 min dollar), üçüncü yerdə Çinin Şanxay şəhəri (872,5 min dollar) gəlir.
İlk onluqda sonrakı sıralama belədir:
Vankuver (Kanada) – 815,3 min dollar
Şençjen (Çin) – 680,2 min dollar
Los-Anceles (ABŞ) – 679,2 min dollar
Nyu-York (ABŞ) – 674,5 min dollar
London (Böyük Britaniya) – 646,9 min dollar
Pekin (Çin) – 629,2 min dollar
Paris (Fransa) 624,3 min dollar.
Səidə Hüseynova
