Yubiley təltifi
Prezident İlham Əliyev aprelin 12-də Rusiya parlamentinin yuxarı palatasının – Federasiya Şurasının sədri Valentina Matviyenkonun başçılıq etdiyi nümayəndə heyəti ilə görüşüb. AZƏRTAC-ın məlumatına görə, görüşdə Valentina Matviyenkoya Azərbaycanın “Dostluq” ordeni təqdim olunub. Prezident sərəncamında təltif Valentina Matviyenkonun Azərbaycanla Rusiya arasında əməkdaşlıq və qarşılıqlı əlaqələrin möhkəmləndirilməsində xüsusi xidmətləri ilə əsaslandırılıb.
Bu ay Valentina Matviyenkonun 70 yaşı tamam olur. Novator.az bildirir ki, Valentina Matviyenko 7 aprel 1949-cu ildə Ukraynada doğulub. Federasiya Şurasına 2011-ci ildən sədrlik edir. Əvvəllər baş nazirin müavini, Sankt-Peterburqun qubernatoru postlarını tutub.
