Dini sammitin təşkilat komitəsi yaradıldı
Prezident İlham Əliyev dünya dini liderlərinin ikinci Bakı sammitinin keçirilməsi ilə əlaqədar təşkilat komitəsi yaradılmasına sərəncam verib. Baş nazirin müavini Əli Əhmədovun sədrlik etdiyi təşkilat komitəsinə bu şəxslər daxildir:
şeyxülislam Allahşükür Paşazadə – Qafqaz Müsəlmanları İdarəsinin sədri, Bakı Beynəlxalq Dinlər və Sivilizasiyalararası Əməkdaşlıq Mərkəzinin sədri
Zeynal Nağdəliyev – prezidentin ərazi-təşkilat məsələləri üzrə köməkçisi-şöbə müdiri
Əli Həsənov – prezidentin ictimai-siyasi məsələlər üzrə köməkçisi-şöbə müdiri
Etibar Nəcəfov – Prezident Administrasiyasının millətlərarası münasibətlər, multikulturalizm və dini məsələlər şöbəsinin müdiri
Samir Şərifov – maliyyə naziri
Əbülfəs Qarayev – mədəniyyət naziri
Mübariz Qurbanlı – Dini Qurumlarla İş üzrə Dövlət Komitəsinin sədri
Vüsal Hüseynov – Dövlət Miqrasiya Xidmətinin rəisi
Ülvi Mehdiyev – Vətəndaşlara Xidmət və Sosial İnnovasiyalar üzrə Dövlət Agentliyinin sədri
Ramiz Həsənov – xarici işlər nazirinin müavini
İsa Həbibbəyli – Azərbaycan Milli Elmlər Akademiyasının vitse-prezidenti
Siyavuş Novruzov – Milli Məclisin ictimai birliklər və dini qurumlar komitəsinin sədri
Aslan Aslanov – Azərbaycan Dövlət İnformasiya Agentliyinin (AZƏRTAC) İdarə Heyətinin sədri
Rövşən Məmmədov – “Azərbaycan Respublikası Televiziya və Radio Verilişləri” Qapalı Səhmdar Cəmiyyətinin sədr müavini
İsmayıl Hacıyev – Azərbaycan Milli Elmlər Akademiyasının Naxçıvan bölməsinin sədri
Aleksandr İşein – Rus Pravoslav Kilsəsinin Bakı və Azərbaycan Yeparxiyasının arxiyepiskopu
Milix Yevdayev – Bakı şəhəri dağ yəhudiləri dini icmasının sədri
Salman Musayev – Qafqaz Müsəlmanları İdarəsi sədrinin birinci müavini
Vasim Məmmədəliyev – Azərbaycan Milli Elmlər Akademiyasının həqiqi üzvü, Qafqaz Müsəlmanları İdarəsinin Elmi Dini Şurasının sədri.
Təşkilat komitəsinə dünya dini liderlərinin ikinci Bakı sammitinin keçirilməsinə dair tədbirlər planı hazırlayıb həyata keçirmək həvalə olunub.
Dünya dini liderlərinin birinci Bakı sammiti 2010-cu ildə keçirilib.
