24 aprel Fransada rəsmi anım günü oldu
Fransa prezidenti Emmanuel Makron aprelin 24-nü erməni soyqırımını anma günü kimi rəsmiləşdirən fərman imzalayıb. Novator.az-ın məlumatına görə, aprelin 10-da imzalanan fərmanla hər il aprelin 24-ü Fransada Erməni Soyqırımı Qurbanlarını Milli Anım Günü kimi qeyd olunacaq.
Saxta soyqırımı iddialarına görə, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək bir çox ölkə (Fransa, İtaliya, İsveç, İsveçrə, Avstriya, Niderland, Belçika, Yunanıstan, Kipr, Danimarka, Polşa, Çexiya, Slovakiya, Vatikan, Litva, Rusiya, Kanada, Uruqvay, Braziliya, Argentina, Çili, Venesuela və s.) rəsmən tanıyıb.
