1/4 final yarılandı
UEFA Çempionlar Liqasının 1/4 finalının ilk oyunları arxada qalıb. Novator.az-ın məlumatına görə, aprelin 10-da keçirilən “Ayaks” – “Yuventus” matçı 1:1 hesabı ilə bitib, “Barselona” isə səfərdə “Mançester Yunayted”i üstələyib – 1:0.
Srağagün “Portu”nu qəbul edən “Liverpul” rəqibini 2 cavabsız topla yenmiş, “Tottenhem” – “Mançester Siti” matçında isə meydan sahibləri 1:0 hesabı ilə qalib olmuşdular.
1955-ci ildə yaradılmış, 1991-ci ilə qədər Çempionlar kuboku adlanmış turnirdə “Liverpul” və “Barselona”nın 5 titulu var. “Ayaks” 4, “Mançester Yunayted” 3, “Yuventus”və “Portu” 2 zəfər qazanıb.
