Üç aylıq hesabat: gündə 799 min barrel neft çıxarılıb
Energetika Nazirliyinin rəsmi hesabatına görə, 2019-cu ilin martında Azərbaycanın gündəlik neft hasilatı 798 min barrel olub. Gündəlik 586 min barrel xam neft, 84 min barrel kondensat, 19,7 min barrel neft məhsulları ixrac edildiyi bildirilir.
Yanvarda gündəlik neft hasilatı 793 min barrel, fevralda 806 min barrel göstərilmişdi. İlin birinci rübündə orta gündəlik hasilatın 799 min barrel təşkil etdiyi vurğulanır.
Aprelin 10-da “AzəriLayt” markalı Azərbaycan neftinin neftin bir barreli 72,74 dollara satılır.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt” yanvara 57,19, fevrala 63,69, marta 67,62, aprelə 70,82 dollarla start verib.
